ВАШИОТ ОРГАНИЗАМ И ВИЕ
Пролетта носи ветер, дожд и ја менува температурата, работи кои можат да предизвикаат физички и психички стрес.
„Обрнете внимание на седум енергетски супстанци“, советуваат докторите и нутриционистите.
Зајакнување на имунитетот
Инулин: Оваа билна супстанца е јагленохидрат со сладок вкус, помалку калоричен од шеќерот, поради што често се користи како замена за шеќер.
Инулинот во непроменет облик стига до дебелото црево, каде што ја храни бифидус бактеријата, која е важна за имунитетот и со тоа почнува нивното размножување.
Тоа е многу важно затоа што здрав одбрамбен систем почнува во стомакот: околу 80% одбрамбени реакции се одвиваат во цревата.
Добрите бакатерии создаваат заштитна бариера која ги уништува предизвикувачите на болести.
Се наоѓа во: артичоката, бел и црвен кромид и аспарагус.
Силно срце
Магнезиум: Станува збор за еден од најважните минерални супстанци која го зајакнува срцето.
Магнезиумот е неопходен за пренесување на нервните импулси и контракцијата на мускулите.
Тоа значи дека нервите кои го контролираат работењето на срцевиот мускул можат оптимално да работат само ако има доволно магнезиум во организмот.
Последици од недостиг на магнезиум: го зголемува ризикот од срцеви заболувања. Може да дојде до мускулна слабост, грчеви во мускулите, тресење, како и до губиток на осетот во рацете и нозете.
Се наоѓа во: билните намирници (производи од интегрални житарици, сусам, семки од тиква, мешунки, зеленчук, овошје со семиња), риба и месо.
Повеќе енергија
Лутина или гнев: Микроелемент благодарејќи на околу пет билиони клетки во организмот добиваат доволно кислород.
Бидејќи тие се непрекинато активни, на овие клетки им е потребна многу енергија. Секоја клетка е мала фабрика за себе, која со помош на кислородот ја произведува таа енергија.
Црвените крвни зрнца со хемоглобинот пренесуваат кислород до сите делови на телото. Јадрото на хемоглобинот е железо, која го поврзува кислородот.
Бидејќи железото се исфрла од организмот преку потта, столицата, урината и крвта (за време на менструација), во организмот може да се јави недостаток, ако исхраната не е богата со таа материја.
Последици од недостатоците се: хроничен замор, исцрпеност, бледило, подложност на инфекција, анемија.
Се наоѓа во: месо, колбасици, леб од интегрални житарици, мешунки, мушмули, смокви и костенливи овошја.
Подобра концентрација
Витаминот Б3 (ниацин, никотинска киселина, никотинамид): Овој витамин е важна храна за мозокот. Бидејќи на клетките во мозокот им е потребно исклучително многу енергија, важно е дека во крвта секогаш треба да има доволно ниацин.
Тој ги активира невротрансмитерите, кои се важни за оптимално преносување на импулси на мозочните клетки. На тој начин ниацинот ја подобрува концентрацијата и памтењето, како и способност на реагирање.
Се наоѓа во: речната и морска риба, квасец, млеко, костенликаво овошје, јаболка, мешунки, зелен и лиснат зеленчук.
Против вишокот килограми
Јод: Овој елемент е ефикасно средство за слабеење. Јодот е потребен на организмот за производство на хормонот на штитната жлезда.
Тие се одговорни за шеќерот во метаболизмот, мастите и протеините, ја регулираат температурата на телото и нивото на вода во организмот.
Само ако сево ова оптимално функционира, организмот согорува поголема количина на масти.
Се наоѓа во: морската риба и млечните производи. Јадењата со морски алги (на пр. суши) исто така содржат јод.
Против нервоза
Витаминот Б1 (тиамин): Овој витамин е неопходен за нервите за да имаат доволно енергија која им е потребна за пренесување на електрични импулси (стимулирања).
Последици од недостаток: нервоза и раздразливост, слаб апетит, пореметување на сонот.
Се наоѓа во: свинското месо, производите од интегрално брашно, грашокот и гравот.
Јаки мускули
Витамин Б6: За да мускулите бидат јаки, на организмот му се неопходни протеини (млеко, јајца, месо).
Но, протеините, кои се состојат од аминокиселини, за да се претворат во муксули и врзно ткиво, потребни им се помагачи, а една он нив е витаминот Б6.
Тој во текот на метаболизмот е задолжен за преработка на аминокиселините преку храна, така што организмот може да ги претвори во едноставни протеини и на тој начин да одржи сила на мускулите, односно да ги зајакне.
Се наоѓа во: сојата, црниот дроб, риба (посебно во лосос), зелен зеленчук (зелка, спанаќ), квасец, житарици, компир, моркови, семкасто овошје и банани.