ВЕЖБИ ЗА ВРЕМЕ НА МЕНСТРУАЛНИОТ ЦИКЛУС
Едно американско медицинско истражување покажува дека мускулите ја губат еластичноста за време на периодот на овулација.
Тоа значи дека хормонските промени можат да влијаат на повреди за време на вежбањето.
За среќа, постојат начини тоа да се избегне, а притоа да се извлече најмногу од вежбањето.
Прва недела
Период на менструација. Хормоните кои стимулираат фоликули се во благ пораст и со тоа ги наведуваат јајниците да ја подготват јајца клетката за оплодување.
Во меѓувреме, нивото на останатите хормони не се менува.
Нивото на хормонот естроген е на најниско ниво и го тера вашето тело да согорува јаглехидрати наместо маснотии за да ја добиете потребната енергија.
Што да направите?
Вашето тело согорува многу енергија во овој период. Наспроти уморот и болките во мускулите, брзите сетови вежби се идеални и ќе ви помогнат полесно да ги пребродите овие денови.
Тоа е време кога можете да имате најмногу корист од вежбањето и не дозволувајте хормоните да ве спречат во тоа. Кратки интензивни и кардио вежби, како и возење велосипед се идеални.
Втора недела
Период на овулација. Во овој период нивото на естроген расте, а јајце клетката патува.
Високото ниво на естроген влијае на чувствителноста, па можно е да чувствувате болка во пределот на јајниците.
Што да направите?
Обрнете внимание на своето тело. Ако вежбите предизвикуваат болки во колената, прескокнете ги.
Најпрвин добро загрејте се со лесни сквотови и исчекорувања, за да ги опуштите мускулите и зглобовите.
Трета и четврта недела
Период после менструација. Во овој период расте нивото на прогестерон, а нивото на естроген опаѓа.
Што да направите?
Ова дивеење на хормоните може да предизвика тромост и замор, особено после интензивно вежбање.
Причина за тоа што вашето тело како гориво ги користи масните наслаги наместо јаглехидратите.
Мотивирајте се така што ќе направите распоред на вежбите и план на исхрана. Внесувајте здрави јаглехидрати како што е сладок компир.