Започнете го денот со јаболко
Јаболко – хранливо и лековито овошје богато со витамини и минерали. Во 100 грама јаболко има 50 калории.
Неговото месо е слатко, но повеќето хранливи материи ги има во кожата. Кожата на јаболка содржат шест пати повеќе витамини од нејзиното месо.
Јаболкото поминува низ стомакот за 20 минути и така на телото му дава корисни материи.
Сепак треба добро да се изџвака за да може лесно да се вари.
Истражувањата покажуваат дека средовечните луѓе кои во секојдневниот живот на менито имаат јаболко, го намалуваат ризикот од срцеви заболувања.
За да го одржите телото тенко и здраво, неопходно е да се храните здраво и да го одржувате континуитетот.
Имајте во предвид дека на вашата маса, секој ден да се најдат многу овошки. За да се одржи рамнотежа – здраво и витко тело ви препорачуваме да се започнете секој ден со јаболко.
Најдобро е да се јаде на празен стомак, бидејќи е богата со растителни влакна, кои го регулираат варењето на храната а вашето тело од почетокот на денот добива потребните хранливи материи.
Ако брзате на работа, можете да ја понесете и на пауза да ја изедете како ужина.
Секако е подобар избор отколку филџан кафе и брза храна, што се должи на брзиот начин на живот за повеќето деловни луѓе станува навика во исхраната.
Се разбира, бидете сигурни дека јаболкото е добро измиено, по можност со топла вода, бидејќи јаболката како и другото овошје, главно се одгледуваат на плантажите, каде што се прскаат против инсекти и болести.
Мускулни грчеви се знак на недостаток на калиум. За да се избегне ова, особено ако вежбате, надокнадете го калиумот во телото со јадење јаболко.
Освен за градење на мускулите, калиумот е важен минерал за раст, како и за правилно функционирање на срцевиот мускул.
Јаболкото е исто така богато со витамини А, Б и Ц, калциум, фосфор и пектин, кој е одговорен за намалување на нивото на холестерол во крвта.
На тој начин го штити телото од болести на срцето. Јаболкото исто така содржи ензими кои му помагаат на телото во разградбата на најголемиот кошмар за жените – целулитот.
Јаболкото често го нарекуваме рајско овошје, покрај тоа што е одличен антиоксиданс, помага и во борбата против ракот.
Во 100 гр излупени јаболка содржат:
Учеството на калории – 48 кцал, шеќер – 10,1 гр, диететски влакна – 1.3 гр маст – 0.13 гр, протеини – 0.27 гр, вода – 86.67 гр.
Во 100 гр јаболка со лушпа содржат:
Учеството на калории – 52 кцал, шеќер – 10,4 гр, диететски влакна – 2.4 гр маст – 0.16 гр, протеини – 0.24 гр, вода – 85,6 гр.
