ЗЕЛЕНО СМУТИ

Зимата е зад нас, зачекоривме во пролетта и сите се надеваме на потоплите денови кои ги следат.

Три зборови – здравје во чаша.

Оваа нутритивна бомба ќе ви даде доза на енергија за целиот ден, и ќе ве засити поради мноштво на мононезаситени и полинезаситени масти од авокадо и растителни влакна од јаболката и спанаќот.

И тоа е само дел од нутритивната приказна што ова смути ви ја нуди – тука се и фолната киселина, витамин К, А и Ц, калциум, калиум …. и не заборавајте ги прекрасните заштитни својства на медот.

Уживајте!

Состојки:

• 200 мл млеко 0,5 масленост

• 1 зелено јаболко исечено на парчиња

• 100 гр спанаќ

• пола авокадо

• 10 гр чиа

• 50 мл сок од лимон

• 1 мала лажичка мед

• неколку листови нане

Подготовка:

Млекото, јаболка и спанаќот ставете ги во блендер и блендирајте додека смесата не згусне.

Додадете го исчистеното авокадо, чиа семето, сокот од лимон и медот, потоа пак блендирајте додека смесата не стане кремаста и послужете ја веднаш.

Можете да ја испиете наутро наместо појадок или во текот на денот како замена за ужина.

Нутритивни вредности:

Енергетска вредност: 185,6 kалории

Протеини: 10,3 гр

Масти: 1,48 гр

Јаглехидрати: 17,6 гр