Зошто се јавува болка во грбот?
Неправилното држење на телото, дебелината, слабите мускули и стресот се четирите фактори кои ја зголемуваат можноста за болка во долниот дел на грбот. Доколку не можете да се решите од стресот, секако од другите три фактори сигурно можете.
Дали сакате да ја спречите преоптовареноста во грбот што доведува до грч? тогаш грбот,стомачните и бутnите мускули мора да бидат силни и обликувани. Во спротивно опуштените мускули не обезбедуваат соодветна потпора и може да предизвикаат преголемо оптоварување на ‘рбетот.
Стомачните мускули ако се во добра форма создаваат “мускулест појас”, кој го спречува искривувањето на долниот дел на грбот. А искривената позиција на долниот дел од рбетот создава притисок и во горниот дел на рбетот и така доаѓа до развој на многу деформации на кичмата и грбот.
Главни виновници се:
Неправилното држење, дебелината, слабите мускули и стресот се четирите фактори кои ја зголемуваат можноста за болка во долниот дел на грбот. Секојдневните активности што ги правите на погрешен начин, како што се седењето, стоењето или кревањето на тежина се другите ризични фактори.
Како да ја ублажиме болката?
Помеѓу доброто држење и јачината на грбните мускули и стомачните постои взаемна врска. Правилното исправено држење овозможува непречено функционирање на мускулите, додека цврстината на мускулите е од витално значење за правилно држење на телото.
А правилно држење на телото подразбира следење во вид на буквата С. Ова значи дека целта не е строго исправен рбет.
“Доколку неисправното држење на телото се корегира, болката која е негова последица може да се елиминира”, изјави Робин Мекензи, во својата книга ‘Treat Your Own Back’ додавајќи: “Ако времето минува а држењето останува искривено, навиката на подгрбавено држење предизвикува промени на структурата на пршлените и води кон нивно предвремено стареење.
“Дебелината, особено на стомакот, исто така го оптоварува грбот, создава товар на грбните мускули кои го држат ‘рбетот. Редовна програма за вежбање е од суштинско значење за фит и здрав грб.
Но дури и ако болката исчезне, вежбање не треба да се прекине, но пред почетокот на тренингот, разговарајте со вашиот физиотерапевт лекар кој ќе ви препорача најточни и најефикасни вежби за решавање на вашите проблеми со кичмата и грбот.
Според Искон, ако седите долго време во канцеларија, често станувајте и кратко истегнете се и прошетајте во ходникот и нагоре по скалите. За оние кои работат наведнати како што се земјоделците, најдобро би било почесто да одмараат и да ја менуваат позицијата.
Ако на работа постојано стоите, лекарите препорачуваат краток одмор на ниски столчиња или скали. Кога дигате тежина па дури и лесни предмети, да не ги користите грбните мускули. Свиткување на коленото е многу подобро решение, бидејќи на тој начин грбот не го сноси целиот товар.