Колку често ја менувате вашата тренинг програма?
Или уште подобро, колку често би требало да се промени? Во повеќето случаи луѓето ќе одговорат погрешно, а одговорот е тривијален.
Веројатно сте слушнале изјави од типот дека треба да се менува вашата програма за тренинг на секои 6 недели за да се “шокира” телото или слободно скратете ја програмата од 6 на 4 недели или дури продолжете ја до 10 недели.
Првото нешто што треба да го направите за да постигнете нешто што личи на добри резултати од било која форма на вежбање е постојано да го принудувате вашето тело да напредува.
Тоа е општ прогресивен пристап. Ако сакате да ја зголемите мускулната сила, флексибилност, брзина, експлозивност, издржливост или едноставно нивото на кондиција треба да ги зголемите потребите на вашето тело.
На пример, ако може да трчате само 5 минути, единствениот начин да трчате повеќе е постепено да го форсирате вашето тело. Обидете се со 5 минути и 20 секунди, потоа на 5 минути и 40 секунди итн.
Ако во моментов кревате 25 кг, со 8 повторувања, единствениот начин да ја зголемите мускулната маса и сила е да кревате 25 килограми со 9 или 10 повторувања, 30 кг- 8 пати и слично.
Единствениот начин да го подобрите вашето тело е постепен напредок.
Промена на вежбите секој одреден број на недели е “шок” за телото и е целосно бесмислено и само може да биде контра-продуктивно.
Размислете за тоа на начин како би можеле да напредувате во нешто, кога постојано го менувате програмот за работа.
Целта со вежбањето е нешто на што треба да останете доследни (под претпоставка дека не сте фанови на лоши резултати) усовршувајте го тренингот кога и да можете.
Ако продолжите постојано да го менувате програмот за вежбање, тогаш успехот е исклучен. Напредокот е една и единствена врста на промени кои му требаат на вашето тело.
Но, тоа секако не значи дека во следните 50 години морате да работи на истата програма за вежбање.
Постојат две причини зошто треба да се смени планот за тренинг:
1. Кога ќе исчезне напредокот
Продолжете да ги изведувате вежбите се додека има ефект. Понекогаш се чини како едноставен концепт, но не е.
Многу е чудно да се видат некои луѓе кои вршат програма за вежбање која има ефект, и по 6 недели ја менуваат само затоа што дојде време за промена.
Ако правите нешто што има ефект не престанувајте.
Без разлика дали го правите ова 6 недели, 6 месеци или 10 години, се додека имате добри резултати, не постои причина за промена.
Не е важно што се изложени на одредени извори на информации за вашата програма за вежбање дека не треба да се менува и на вашето тело не му треба т.н. “шок”.
Се што ви треба е да напредувате и се додека е така, тоа е единствено важно.
2. Кога ќе стане досадно
Сепак, постои уште една причина поради која можеме да го промениме начинот на вежбање, тоа е досадата.
Ако вашата програма за вежбање навистина станува здодевна и ако дојде до тој степен што го загрозува напредокот тогаш слободно можете да ја промените.
Ова значи дека ако ви стане здодевно, ако стане незаинтересирани за вашата програма, или ако мислите дека пропуштате некои вежби, најверојатно, тогаш нешто треба да смените.
Дури и ако имате резултатите, направите промена. Бидејќи краткорочниот напредок е добар, но дали тој ќе предизвика проблеми на долги патеки (така да се откажете од вежбање поради недостаток на интерес), тогаш промената во тоа времето може да направи она што го правите да има ефект.
Сега се поставува прашање, дури и ако имате еден од горенаведените причини, што се однесува до драстичните промени во програмата за вежбање, дали треба да се направи? На вас е да одлучите.
Во случај на кардио вежби, ако трчате на подвижна лента, промената која може да ја направите е да трчате некаде во природа, на патеки за трчање или нешто слично.
Доколку е потребно, би можеле да направите промена да возење велосипед или да пливате.
За тренинг со тегови има бројни можности. Ако, на пример одредена мускулна група ја вежбате во одреден ден, се што е поврзано со вежбањето, може да го задржите исто, само да го смените датумот на извршување.
Можете да ги замените и вежби, на пример, вежбите на машини со кревање на дворачни тегови или вежбите со шипка со вежби со тегови.
Ако одморот помеѓу сериите е 120 секунди, можете да го скрати на 90 секунди.
Ако правите 3 серии од 10 повторувања, можете да направите 4 серии со 6 повторувања или 5 серии со 5 повторувања, итн.
Ако вообичаено правите прво една па друга вежба, за промена направете спротивно.
Се разбира, многу е важно овие промени што ги правите да имаат смисла. Обично во почетокот на тренингот се прават сложени вежби кои бараат повеќе енергија и концентрација.
Немојте пред сложените вежба да правите некоја изолациска.
Се разбира, пожелно е промените да ги воведете во програмата за вежбање со цел да поправите некои недостатоци, како што се мускулните групи кои заостануваат и слично.
