Омега-3 преку исхрана или суплементи?
Ако планирате да ја дополните вашата исхрана со омега 3 масни киселини, прво треба да се разгледаат некои факти.
Дали навистина имате недостаток на омега-3 масни киселини? Ако е така, кој препарат да се избере? Дали постојат какви било ризици со користење на омега-3 суплементот?
Кој има потреба од омега 3 масни киселини?
На речиси сите ни недостасува омега-3 масните киселини во исхраната.
Зголемен внес на омега 3 може да биде особено корисен кај болести на срцето и крвните садови, како резултат на зголемување на нивото на масти во крвта и го регулира крвниот притисок.
Омега 3 масните киселини ја нашле нивната примена и кај депресија, ревматоиден артритис, астма, остеопороза …
Омега-3 преку исхрана или суплементи?
Во принцип, секогаш е подобро да ги внесувате хранливите материи преку исхраната.
Значи, ако сакате да го зголемите внесувањето на омега-3 треба да јадете повеќе мрсна морска риба: лосос, сардини, туна, скуша.
Нови видови на риба содржат DHA и EPA омега-3 масни киселини, кои се најмногу корисни.
Бидејќи морињата и океаните се загадени, па и рибата е загадена, на бремените жени, доилките и жени кои планираат бременост не им се препорачливо да користат повеќе од две порции масна морска риба неделно, бидејќи живата со која е загадена рибата е невротоксична.
Исто така, им се препорачува да избегнуваат во нивната исхрана ајкула и сабјарка, и сите други треба да го намалат внесувањето на овие видови на риба да еднаш неделно.
Растенијата содржат алфа-линоленска киселина (АЛА) омега-3 масни киселини, која се наоѓа во оревите, ленот, растителните масла. Од АЛА-та во телото се ослободува EПА и ДХА.
Омега-3 додатоци: животински и растителни извори
Омега-3 масните киселини се наоѓаат во рибиното масло.
Најпопуларно е рибиното масло од лосос, сардини … Тоа содржи два вида на омега-3 EPA и DHA (EПА и ДХА).
Експертите генерално препорачуваат омега-3 додатоци од рибиното масло поради тоа што обезбедува најголема количина на EPA и DHA (EПА и ДХА) во телото.
Сепак, за вегетаријанци ова не е опција, само растителните масла се.
Омега-3 масните киселини: дози
Секогаш е најдобро да се консултирате со вашиот лекар кои дози се соодветни за вас.
Генерално гледано, повеќето експерти препорачуваат 1 гр на EПА и ДХА (DHA и EPA) од рибиното масло.
Сепак за одредени состојби лекарите даваат до 4-5 гр на ден.
Конфузијата настанува бидејќи 1 грам рибино масло не е исто како и 1 гр на активни состојки EПА и ДХА (DHA и EPA).
Се препорачува 1 гр омега-3, EПА и ДХА (EPA и DHA) заедно. Меѓутоа некои капсули содржат на пример 1000 мг рибино масло од кои 300 мг се EПА и ДХА (DHA и EPA) заедно.
Па за да се добие 1 гр омега-3 треба да земете четирите капсули. Значи, не се работи за содржината на рибиното масло туку содржината на омега-3 масни киселини.
Суплементите од рибино масло секогаш земајте ги со храна, бидејќи така подобро и полесно се поднесуваат.
Некои експерти советуваат на тоа дека суплементите врз база на рибино масло да се чуваат во фрижидер, така подолго ќе останат свежи.
Омега-3 масните киселини: несакани ефекти
Омега-3 суплементите се многу безбедни. Најчестите несакани ефекти се проблеми со варењето на храната, пролив и подригнување на риба.
Рибино масло ја разредува крвта, па не треба да се претерува со неговата употреба.
И ако користите лекови за разредување на крвта (Аспирин 100, Кардиопирин, Плавикс, Tиклодикс, Фарин …) ако користите лук истовремено со омега-3 суплементите може да се зголеми тенденцијата кон крварење.