Ослободете се од стресот !! Совети кои го намалуваат стресот

За жал, стресот е дел од нашиот секојдневен живот.

Наместо да се навикнете на него или уште полошо, да го игнорирате и да дозволите да се таложи во вашиот организам, еве некои совети кои ќе ви помогнат да се ослободите од него засекогаш.

Имагинација

Еден од најуспешните методи за намалување на стресот е имагинација.

Кога не гледате излез од проблемите, затворете ги очите, релаксирајте се и да отпатувајте некаде далеку во Дубаи, на Малдивите или дестинација од вашите соништа.

Овој вид на преживување на стрес може да ви помогне да се опуштите и порационално да размислувате, но проблемите нема да ги решите.

Прошетка

Пешачењето е уште еден одличен начин за да се опуштите и да го намалите натрупаниот стрес за да може вашиот мозок подобро да функционира за да може полесно да се справите со проблемите.

Прошетката има многу позитивен ефект врз здравјето а може да ви помогне да ги намалите и калориите.

Најдете си хоби

Во своето слободно време наместо да се нервирате поради работата или проблемите, пронајдете си хоби или занимација за да ве расположи и да ве ослободи од стресот.

Намалете го кафето

Со кафе сигурно се будите наутрото и сигурно многу ви годи, но докажано е дека кафето го зголемува нивото на стрес.

Обидете се да го намалите внесувањето на кафе, бидејќи прекумерната доза на кафе може да доведе до сериозни проблеми.

Одморете се

Спиењето и одморот се сојузници во борбата против стресот и напнатоста.

Минимум од 6-8 часа спиење ќе има значително влијание врз вашето здравје, расположението и метаболизмот. Колку повеќе себ трошите толку повеќе на телото му треба одмор.

Топла купка

Топла бања е секако многу пријатен начин да заборавите за сите проблеми.

Посветете си половина час на ден сам на себе и уживајте во бањата, далеку од сите проблеми. Ова ќе ви помогне да бидете подготвени за нови предизвици.