Што да јадете пред тренинг?
Оброкот пред тренинг е речиси исто толку важен како и оброкот после тренинг. За жал, повеќето почетници ја занемаруваат важноста на овој оброк.
Многу е важно во оброкот пред тренинг да внесете соодветни хранливи материи и истите да ги консумирате во соодветно време, во спротивно не само што ќе имате полоши перформанси на тренингот и ќе имате проблеми со зголемување на мускулната маса, се разбира ако тоа е една од вашите цели.
Целта на оброкот пред тренинг е да го подготви телото за напорите на кои ќе биде изложено за време на тренингот.
Без соодветни хранливи материи пред тренинг не ќе направите повеќе повторувања, не ќе мпожете да ја зголемувате тежината на вежбите дури и нема да бидете во можност да го завршите интензивниот тренинг.
Пред да објасниме за кои нутриенти се работи, важно е да се истакне времето на конзумирање на овој оброк.
Овој оброк треба да се конзумира еден до два часа пред тренинг, во зависност од брзината на вашиот метаболизам.
Потребно е некое време за да се свари внесената храна и хранливи материи за да станат достапни за телото за време на вежбањето.
Доколку го јадете оброкот веднаш пред тренинг, телото нема да стигне да го свари и да го користи како енергија. Затоа, дајте му на вашето тело време за да ја свари храната што ја внесовте.
Вашиот оброк пред тренинг треба да содржи протеини и сложени јаглехидрати.
Сложени јаглехидрати
Значи, пред тренинг да се консумираат сложени, односно јаглени хидрати кои бавно се варат. Целта е да овие јаглехидрати се извор на енергија за време на вежбањето.
Токму тоа е причина зошто не се препорачува да простите јаглехидрати со висок гликемиски индеkс, како шеќер, не треба да се основа за оброците пред тренинг.
Конкретно, еден или два часа пред тренинг треба да се јаде храна со низок и среден ГИ, како што се: ориз, овес, ржен леб, интегрални тестенини.
Овошје како портокали, јаболка и банани е одличен додаток на оброкот пред тренинг.
Со оглед на тоа дека сте се обезбедиле со комплексни јаглехидрати, корисно е да се има мал извор на енергија од брзосварливите јаглехидратите засам старт на тренингот.
Протеини
Се разбира ниту еден оброк без протеини не може да се смета за комплетен па така и овој.
Во однос на тоа дека вашата цел е зачувување на мускулната маса, потребно е да внесете протеини со квалитетен аминопрофил, а такви извори се: белка од јајце, пилешко, мисирка и риба.
А што е со мастите?
Пред тренинг не треба да внесувате масти, бидејќи тие бавно се варат и го забавуваат варењето на другите хранливи материи.
Обидете се да ограничите на околу 15 грама масти во еден оброк пред тренинг.
Сепак корисно е да се знае дека есенцијални масти (ЕФА) го зголемуваат и одржуваат нивото на тестостерон – клучниот хормон за градење на мускулите. Овие масти може да ги внесувате преку туна, јајца и живина.
Заклучок
Ако се чувствувате уморни во текот на тренингот или ако забележите пад на енергија во споредба со претходните тренинзи, прво нешто што треба да се провери каков бил вашиот оброк пред тренинг.
Осигурајте се пред тренинг да внесете сложени јаглехидрати од оризот, тестенините, ржен леб или зобни снегулки и протеини од пилешко, мисирка, риба или белките од јајца, како и да се обезбеди инстант енергија преку овошјето за самиот почеток на тренингот.