ДАЛИ И ВИЕ ИЗБЕГНУВАТЕ ИСТЕГНУВАЊЕ?

Истегнувањето и постигнувањето оптимална флексибилност се неопходен дел од тренингот во секој спорт. Ова е особено важно за боречките вештини како џиу џицу или ММА. Сепак, многумина сметаат дека истегнувањето е најдосадниот дел од тренингот, а многумина го прескокнуваат во секоја прилика. Но, за секој спортист истегнувањето треба да биде незаменлив дел од тренингот што придонесува за постигнување на целта речиси исто како и главниот дел од тренингот.

Зошто истегнувањето е толку важно и колку позитивно влијае на спортистите?

Со истегнување, ги подобрувате спортските перформанси и го намалувате ризикот од повреда. Исто така, ја намалувате мускулната болка и ја зголемувате координацијата и флексибилноста. Флексибилноста е способност на зглобовите да се движат низ целиот опсег на движење, а истегнувањето ви помага да имате подобар опсег на движења и помага да се балансира мускулната група доколку, по некоја случајност, претераме на тренинг.

Без разлика колку правилно ги изведувате вежбите и вежбате, секогаш постои ризик од повреда, дури и само од преоптоварени мускули. Истегнувањето позитивно влијае на квалитетот на мускулните влакна и нивното закрепнување.
Постојат два вида на истегнување: статичко и динамично, а доколку ги направите во вистинско време, речиси целосно ќе го елиминирате ризикот од повреда.

Динамично истегнување – пред тренинг

Динамичното истегнување го вклучува мускулот низ неговиот целосен опсег на движење, почнувајќи со мал опсег и постепено зголемувајќи го опсегот и брзината. Се состои од контролирани движења кои не го надминуваат нормалниот опсег на движење. Препорачаниот број на повторувања е 8-12. Целта на ова истегнување е да се активира нервниот систем и да се подготви за главниот дел од тренингот. Ова истегнување ја зголемува температурата во мускулите и го подготвува телото за поголеми напори.

Статично истегнување – после тренинг

Статичното истегнување е вид на истегнување во кое постепено го доведувате мускулите во состојба на напнатост каде што чувствувате мало истегнување на мускулот, а потоа го држите во таа положба околу 10 до 30 секунди. Ако има болка или непријатност, опсегот на истегнување треба да се намали за да се спречи прекумерно истегнување и оштетување на мускулите.
Стекнете навика да се истегнувате како составен дел од секој тренинг бидејќи без тоа вашиот напредок ќе биде побавен, а ризикот од повреда поголем. Но, не претерувајте ниту со истегнување. Ако за време на истегнување чувствувате болка, мускулите почнат да треперат или ако опсегот на движење на зглобот се намали, вашето тело ви кажува дека сте се истегнале премногу.

Имајте на ум дека истегнувањето мора да биде удобно и дека вистинското, удобно страдање започнува со главниот дел од тренингот.

Истегнете се и продолжете го животот. Флексибилното и подвижно тело е рецепт за здрав и успешен живот.