ЕФЕКТОТ НА АЛКОХОЛОТ ВРЗ ВАШИОТ ТРЕНИНГ

После вежбање со тегови или трчање, ништо не е подобро од добро ладно пиво, како што често некои нагласуваат. Но, треба да одолеете на тоа искушение, велат експертите, бидејќи не му правите услуга на вашето тело, напротив.

Дури и малите количества алкохол после вежбање ја спречуваат регенерацијата на мускулите, истакнува Германскиот сојузен центар за здравствена едукација. Алкохолот има диуретично дејство и ја отстранува водата од телото, која е неопходна за снабдување на мускулите со хранливи материи и минерали. Таа предвидува дехидрација бидејќи поттикнува потење и мокрење, што му помага на телото да се ослободи од токсините.Ако веќе сте дехидрирани и сте почнале да пиете алкохол, состојбата може да се влоши: симптомите вклучуваат сува уста, главоболка, па дури и вртоглавица во посериозни случаи . Колку повеќе сте дехидрирани, толку е полош мамурлакот. Алкохолот исто така ги ограничува метаболичките процеси потребни за градење мускули после вежбање.

После тренинг, на мускулите им треба време да се опорават, а алкохолот го попречува тој процес. Тоа значи дека треба да го прескокнете дружењето со алкохол после тренингот доколку сакате да имате издлабено тело и ако вашата цел е да живеете здрав живот.

Човечкиот хормон за раст се користи од телото за време на процесот на закрепнување и раст на мускулите. Пиењето алкохол го намалува лачењето на хормонот за раст, а со тоа го поништува целиот напор што го вложувате во вашиот тренинг.

Не е добро да се консумира алкохол и пред вежбање, бидејќи предизвикува дехидрација, влијае на координацијата на движењата и рефлексите, како и на концентрацијата, со што се зголемува ризикот од можни повреди.

Како алкохолот влијае на вашиот тренинг

Како што веќе спомнав алкохолот и тренингот не одат заедно. Алкохолот влијае на концентрацијата, рамнотежата, притисокот, а алкохолот влијае и на биолошките процеси кои се случуваат после тренинг. Алкохолот ја успорува синтезата на протеините, кои се одговорни за градење мускулна маса. Покрај сето горенаведено, алкохолот влијае на вашиот имунолошки систем и закрепнување после тренинг. Значи, воопшто не сакате да му го правите тоа на вашето тело. Покрај сè, алкохолот е и диуретик кој ја „избрка“ водата од вашето тело и затоа ризикувате да го дехидрирате организмот.

Колку долго треба да чекате пред тренинг по консумирање алкохол?

Најдобро решение е воопшто да не пиете алкохол, не само во деновите кога вежбате, туку воопшто. А ако веќе сте испиле, тогаш мој личен совет е да не одите така на тренинг, но ако сепак морате, тогаш почекајте неколку часа да „испари“ алкохолот од вашето тело. Тоа е под влијание на неколку фактори, како што се: пол, возраст, евентуално некои лекови доколку ги земате. Минимумот што треба да го почекате ако навистина треба да одите на тренинг после пиење е 4 часа. Но, мојот совет е тој ден воопшто да не тренирате. Не го „мачете“ повеќе вашето тело, и онака ништо нема да се случи во однос на градење сила, мускули и слично.

Наместо алкохол, пијте протеини и одете во теретана.