Зошто е важен внесот на вода за време на тренингот?

Знаеме дека 1,5 l до 2 l се одредуваат како минимум кога внесот на вода е доволен на дневна основа. Знаеме и дека е многу важно да се придржуваме до него за да бидеме доволно хидрирани, да го ослободиме телото од токсините и да го одржуваме метаболизмот што е можно побрз. Меѓутоа, кога станува збор за тренинзите, работите се менуваат бидејќи има спротивставени мислења, како оние кои се засноваат на тврдењето дека не треба да се внесува вода во телото за време на тренингот, како и веднаш по него. Дали е тоа навистина така?

Ја губите водата, а не масните наслаги

Водата му овозможува на нашето тело побрзо да ги согорува складираните масни клетки, што во превод значи дека го забрзува процесот на слабеење. Во спротивно, ако на вашето тело му недостасува вода, сепак после тренинг ќе имате чувство дека сте „полесни“, но тоа не значи дека сте ослабеле. Само што ги изгубивте резервите на вода во вашето тело, кои ви се неопходни.

Вашата кожа старее побрзо

Докажано е дека физичката активност поволно влијае на изгледот на кожата – се подобрува циркулацијата, крвта е побогата со кислород кој ги снабдува клетките на кожата, се стимулира производството на колаген, а фините линии и брчките стануваат помалку видливи. Меѓутоа, за сето ова да биде вистина, на телото му треба одредена количина или снабдување со течност.

Ја губиш силата

Научниците тврдат дека губењето на течности за време на тренингот е обратно пропорционално на неговата ефикасност. Поточно – ако изгубите 5% од течноста во вашето тело за време на тренингот, нејзината ефикасност ќе се намали за цели 30%! Затоа, потребно е да се внимава да не дојде до дехидрација.

Без вода, токсините остануваат во телото

Едноставно е – вежбањето го поттикнува потењето, а преку потта и преку кожата се исфрлаат штетните материи од нашето тело. Но, овој процес ќе биде попречен доколку нема доволно течност во телото, бидејќи работата на потните жлезди нема да се стимулира. Се разбира, токсините кои остануваат во телото во никој случај не се добри за нашето здравје!

Тешко воспаление на мускулите

По интензивен тренинг често е неизбежно воспалението на мускулите, кое дефинитивно треба да помине за неколку дена. Воспалението е исто така поизразено ако штотуку сте го започнале процесот на вежбање. Но, ако на телото му недостасува вода за време на тренингот, тогаш тие воспаленија ќе бидат многу посилни, поболни и ќе траат подолго. Друга причина зошто мора да внимавате да останете хидрирани за време на тренингот.

Зголемен апетит

Често се случува ако не сме испиле доволно вода за време на тренингот, после него да започне ненадеен напад на глад. Сепак, станува збор за фактот дека на телото всушност му недостасува вода, а нашиот мозок тоа го регистрира како потреба за храна.
Секако, не се препорачува зголемена количина на храна после тренинг, туку само еден до два часа подоцна во форма на полесен протеински оброк.

Како да консумирате вода за време на тренингот?

Конечно треба да се даде конечниот одговор колкава количина на вода за време на тренингот е доволна и на кој начин да се земе. По правило, се препорачува да се пие 150-250 мл вода на секои 15 до 20 минути, во зависност од интензитетот на тренингот. Исто така – не пијте големи количини вода половина час пред тренинг.

Затоа, мора да одите на следниот тренинг со шише вода!