ЗОШТО Е ДОБРО ДА ПИЕТЕ КАФЕ ПРЕД ТРЕНИНГ

Еден од најефикасните пијалоци пред тренинг сигурно е веќе во вашата кујна. Тоа е обично црно кафе, без шеќер, млеко, шлаг и слични адитиви. Во прилог на зголемување на енергијата, шолја кафе пред тренинг нуди голем број придобивки за вашето тело. Прочитајте подолу зошто една шолја црно кафе треба да стане дел од вашата рутина пред тренинг.

1. ГО ЗАБРЗУВА ИСЦРПУВАЊЕТО НА МАСНИТЕ НАСЛАГИ

Побрзата потрошувачка на масни наслаги е еден од најдобрите ефекти на овој темен пијалок. Имено, ако се пие пред тренинг, кафето ја поттикнува употребата на маснотиите како извор на енергија и на тој начин ги зачувува резервите на гликоген во мускулите. Покрај тоа, кофеинот го забрзува метаболизмот, па телото троши повеќе калории во текот на денот. Пиењето кафе пред тренинг дополнително го подобрува овој ефект. Кофеинот и другите состојки во кафето го намалуваат апетитот, така што ќе јадете помалку.

2. ГИ ПОДОБРУВА ПЕРФОРМАНСИТЕ ЗА ВРЕМЕ НА ТРЕНИНГОТ

Неколку студии докажаа поврзаност помеѓу потрошувачката на кофеин пред тренинг и зголемените перформанси за време на тренингот. Кофеинот ја зголемува силата и издржливоста, па спортистите можат да тренираат подолго и со поголем интензитет. На пример, во една студија, испитаниците кои пиеле кафе пред да трчаат 1.500 метри, биле 4,2 секунди побрзи од оние кои не пиеле кафе. Ако барате нешто што ќе ви помогне да издржите напорни тренинзи, можеби црното кафе е токму она што ви треба.

3. ГО ЗГОЛЕМУВА ФОКУСОТ

Покрај тоа што ќе му обезбедите на телото доволно енергија да издржи напорни тренинзи, шолја кафе пред тренинг ќе ви овозможи подобар ментален фокус. Подобрениот фокус предизвикува поголема продуктивност и ефикасност на тренингот.

4. ЈА НАМАЛУВА БОЛКАТА ВО МУСКУЛИТЕ

Во една студија, учесниците кои пиеле кафе пред тренинг чувствувале значително помала болка во мускулите за време на тренингот во споредба со испитаниците кои не пиеле кафе. Бидејќи болката во мускулите е помала, можно е да се прават повеќе повторувања и да се користи поголем отпор при тренинг со тегови и да се издржи подолг и поинтензивен кардио тренинг.

5. СПРЕЧУВА РАЗНИ БОЛЕСТИ

Друга голема предност на пиењето кафе лежи во заштитата на телото од разни болести. Имено, кафето е богато со антиоксиданси кои го штитат телото од оштетување на слободните радикали. Студија од 2011 година покажа дека луѓето кои пијат кафе секој ден имаат помали шанси да развијат дијабетес, Паркинсонова болест, Алцхајмерова болест и одредени видови на рак.