Кардио тренинг – тренинг за губење на масните наслаги

Губењето на масните наслаги покрај тоа што е сам по себе напорен процес во однос на многу ограничувања кои ќе мора сами себе си да ги наметнете, дополнителено знае да ве оптерети со комплициран систем на вежби кои одат со него.
Намалување на масното ткиво не е многу лесно процес, но не е ни тежок, ако правилно се вклопат неколку важни фактори, многу брзо може да се постигне вашата цел – да се ослободите од вишокот на масти!

Цели

За да започнете, мора да имате цел. Не било каква- некоја специфична цел кон која тежнеете ! Ако немате цел тогаш како може да очекувате да се постигне! Но не заборавајте вашата цел нека биде реална, не очекувајте резултати за еден месец да намалите 25 кг!

Време за кардио вежби

Најдобро време кога кардио тренингот има најголемо влијание врз топењето на масните наслаги во вашето тело е во раните утрински часови, по ноќниот одмор кога телото е во ниско енергетски биланс.

Во ситуација кога ќе се разбудите и без појадок ќе отидете на вашиот утрински кардио тренинг, вашето тело во услови на недоволна количина на енергија мора да понуди алтернативни извори претставени во форма на масни киселини.

Внимавајте и на интензитетот на спроведување на вашата кардио програма. За утринскиот тренинг е многу важно кардио тренингот да се врши со низок интензитет и да не трае повеќе од еден час за да се избегне катаболизам или мускулен дефект.

Најдобро време за кардио тренинг е по тренинг со тегови. Во текот на ваков тренинг вашето тело најмногу согорува калории.

Енергијата се црпи од гликогенските депоа кои се празнат и на крајот остануваат само резерви во форма на масни киселини во комбинација со протеини.

Во времето кога вашето тело троши повеќе калории поради претходно завршен тренинг со тегови, вистинско време е да се продолжи овој процес со соодветен кардио тренингот.
На овој начин ќе се зголемат шансите за согорување на масти – согорете ги двапати по ред!

Внес на калории

Внесот на калории треба да биде поставен така да неговата вредност е помала од вредноста што ја трошите на тренинг. Оваа разлика во вредности ќе се обнови од вашите резерви – масти.

Математиката е едноставна, ќе потрошите повеќе отколку што внесувате и ќе имате енергетски дефицит, кој успешно ќе ве однесе до вашата цел – помалку масти.

Залажете се понекогаш во својот план на диета

Да. Мали залажувања во однос на типот на вашата диета која ја спроведувате се целосно оправдани и неопходни.
Диетите знаат психички да бидат фрустрирачки и исцрпувачки.

Тоа што еднаш неделно ќе се излажете со земање на вашите омилени колачиња, не ќе му наштети на глобалниот план за отстранување на масните наслаги.

Шест дена строг режим е доволно да се прегази на вредноста на еден ден неконтролирано јадење.
Сепак, не дозволувајте тоа да биде почесто од ова и не инсистирајте на тоа ако баш и не сте во некоја криза.

Резултати од кардио тренингот

Кога ви е во план да ги намалите масните наслаги, спроведување на кардио вежбите мора да биде дел од вашиот редовен тренинг. Нека биде тоа 4-5 пати неделно, при тоа може да користите различен интензитет во тренингот : најнизок, среден и висок интензитет на кардио тренинг.

Нека вашиот кардио план е реален. Внимателно да го следите вашиот напредок и во склад со него да го зголемите темпото во вршењето на кардио тренингот.
Во секој случај не заборавајте отстранувањето на масните наслаги мора да биде процес кој не треба да го загрози вашето здравје.

Ќе ви помогне да изгледате подобро, ќе се чувствувате помалку уморни и ќе имате повеќе енергија! Не постои ништо подобро од тоа кога ќе се чувствувате добро и ќе бидете во целосна форма! Уште ако добариот изглед е потврда за тоа, тогаш тоа е вистински погодок!

Кардио тренингот не е само вид на тренинг- тој е начин на живот

Да се биде активен, да се чувствувате добро и да изгледате уште подобро. Научете да се забавувате додека тренирате и да уживате. Постојано да си повторувате дека кардио вежбите се одлични за вас. Не заборавајте дека постојат толку многу варијанти за овој вид на тренинг.

Навистина нема причина упорно да правите само еден тренинг кој веќе можеби ви досадил. Комбинирајте трчање, џогирање, брзо одење, возење велосипед,степер, лента за трчање или веслање.

Неколку недели ќе бидат доволно за да ја увидите значајната разлика во вашиот изглед.

За подобар преглед на ситуацијата направете фотографии на вашето тело на почетокот на тренингот и направете го истото по 3-4 недели и споредете ги! По уште 4 недели и 8 недела од вашиот кардио тренинг план ќе видите драстични промени во вашиот изглед!

Запомнете !! хранете се правилно, редовно вежбајте и да забавувајте се!