Морков – здрава храна и „чистач“ на организмот
Морковот е еден од најздравите видови на зеленчук, бидејќи содржи многу корисни и лековити состојки.
Како храна се користи во целиот свет. Морковот има изразено антимикробно (антибиотско) дејство.
Морковот е двогодишна билка, а за исхрана се користи нејзиниот корен.
Морковот потекнува од Авганистан, а во текот на историјата е пренесен во сите земји во светот.
Тој се користи за исхрана во текот на целата година.
Интересно е дека денес постои морков со различни бои: портокалова, бела, жолта, црвена, виолетова…
Различните бои на морковот содржат и различни антиоксиданси, состојки кои се борат против штетното дејство на слободните радикали во организмот.
Најчесто се користи коренот, но може да се користат и листовите од морковот, но претходно сварени.
Морковот ги содржи следниве хранливи и лековити состојки:
• бета-каротин
• растителни влакна
• витамин Ц
• витамин А
• витамин Б
• витамин Д
• витамин ПП
• витамин Х
• железо
• глутамин
• калиум
• калциум
• калциум-пектат
• каротеноиди
• ксантофили
• ликопен
• натриум
• пектин
• јаглени хидрати
• фосфор
• цинк
• етерични масла
Начин на користење
Морковот во исхраната се користи: свеж (како салата), варен или обарен (како додаток во супи, во чорби, во јадења без месо или со месо).
Се користи и како зачин. Тој се користи и во зима, бидејќи лесно се чува (во фрижидер, во замрзнувач, во подрум).
Бидејќи морковот содржи малку калории, а многу корисни состојки, често се користи во диеталната исхрана и во исхраната на децата.
Многу е здрав свежиот сок од морков, било да се консумира сам или со друг сок.
Сокот од морков се користи и за облоги во третманот на некои кожни болести.
Дејство
Морковот во себе содржи многу витамини и минерали, а поради антиоксидативното дејство, многу поволно делува на организмот.
Тој ја зголемува природната одбрамбена отпорност на организмот, односно го зајакнува имунитетот.
На тој начин, морковот е природен лек кој помага при многу заболувања и патолошки состојби.
Поради своето корисно и лековито дејство, морковот се препорачува при следниве состојби и заболувања:
• слабокрвност (анемија),
• болести на забите,
• болести на срцето и крвните садови,
• гојазност,
• киселини во желудникот,
• губиток на апетит,
• депресија и стрес,
• детски глисти,
• кожни заболувања (дерматит, екцем),
• за подобрување на видот,
• за побрзо зараснување на раните,
• за подобро согорување на мастите во организмот,
• при имунодефициенција,
• за јакнење на ноктите,
• при кокошкино слепило,
• при макуларна дегенерација,
• кај заболувања на бубрегот,
• за одржување на мозочните функции,
• при изгореници,
• при остеопороза,
• за намалување на заморот,
• при покачена телесна температура,
• при зголемен холестерол,
• при настинка и грип,
• при проблеми со косата,
• против кашлица (сок од морков),
• за регулирање на варењето на храната и запекот,
• за регулирање на крвниот притисок,
• за одржување на нормална телесна тежина,
• за регулирање на метаболизмот,
• за превенција на малигни заболувања,
• за воспаление на крајниците и гласните жици,
• против целулит,
• кај шеќерната болест,
• при мозочен удар.
Начин на делување
Бројни истражувања докажале дека морковот има улога на „чистач“ на организмот.
Тој го чисти организмот од штетните материи кои настануваат со лошата исхрана и со делувањето на загадената животна средина и разните зрачења.
Во Норвешка, морковот им се препорачува на децата во вид на „Осло појадок“, бидејќи се смета дека помага во отстранувањето на заморот, во подобрувањето на концентрацијата, помага за подобро учење и подобар успех во школото.
Морковот е корисна намирница и добар природен лек за превенција и лекување на многу болести.
Бидејќи е корисна, ефтина и пристапна намирница, морковот треба често да се користи во исхраната.
