Мртво кревање за дами: Зошто се препорачува?

Ако мртвото кревање не е веќе дел од вашата тренинг рутина, без оглед на тоа дали сте маж или жена, дефинитивно треба да биде.

Ова е практично најефикасната вежба што постои, бидејќи бара учество на речиси сите мускули на телото за да се подигне товарот.

Вежбата која е наречена “кралица на сите вежби” го опфаќа долниот дел на грбот, задната ложа, задникот и квадрицепсите додека другите мускули работат на стабилизација на телото.

Поради сето ова вистинска штета е да ја прескокнете оваа вежба и тоа сигурно се однесува на дамите кои сигурно посебен акцент ставаат на долниот дел од телото и вежбите за нозе и задникот им се омилени.

Има огромниот број на предности кои со себе ги носи мртвото кревање а ова се најголем дел од нив:

– Зголемување тонусот на нозете

– Зголемување тонусот на задникот

– Зголемување тонусот на мускулите на долниот дел од грбот

– Зголемување тонусот на рацете и рамената

– Зголемување на основниот тонус на мускулите

– Решавање на масните наслаги околу половината

– Засилување на срцето

– Зголемување на силата

– Корекција во држење на телото

– Подобрување на сексуалниот живот

Ова се сите придобивки што ги носи познатото мртово кревање а сите овие може да се постигнат само ако се совлада правилна техника на изведување на оваа вежба.

Забелешка:

Лошата техника на изведување на мртво кревање доведува до искривување на ‘рбетот, предизвикувајќи голема опасност од повреда што може да предизвика трајно оштетување.

Затоа, потребно е пред се со стручно лице да научите како правилно се извршува оваа вежба.