Од вежбањето создадете навика!
Прво ќе наведете се што веќе сте слушнале: редовното вежбање ви го зголемува нивото на енергија и го забрзува метаболизмот, ја зголемува силата и флексибилноста, го намалува стресот, го подига расположението и ви помага да се справувате со болестите како што стареете.
Со сите овие фантастични бенефиции зошто некогаш воопшто би го прескокнале тренингот?
Сепак вежбањето понекогаш е тешко да се уфрли во преполниот распоред на дневни активности.
Решението е во планот кои треба да се развива со цел да ви овозможи со време вежбањето да ви стане природен навика како четкањето на забите.
Обидете се да ја примените оваа стратегија за да се претвори вежбање во ваша нова навика.
1. Пронајдете партнер за тренинг
Вежбањето во парови често може да значи дали ќе истраете во тренингот или послем некое време ќе се откажете, но треба да знаете дека планот не делува со секој тренинг- партнер.
Идеална личност за партнер е некој кој е поискусен или повеќе напреден од вас.
Таквиот тренинг партнер ќе дејствува стимулирачки на вас и вие дефинитивно ќе се обидете нијанса повеќе.
Освен вакво поттикнување искусниот тренинг партнер секогаш може да ве исправи доколку можете подобро да ја изведете вежбата.
2. Комбинирајте програми
Вашата мотивација во текот на подолг период може да се однесува како плима и осеката, затоа е корисно да научите да пловите на брановите на мотивацијата.
Ако повремено чувствувате недостаток на инспирација или мислите дека сте го достигнале максимумот, време е да го смените начинот на вежбање.
Промената може да биде во форма на реорганизација натренингот во теретана, во кој случај треба да се советувате со личен тренер.
Акцентот на измената може да биде на интензитетот и обемот на тренингот или во изборот на вежби кои ги правите за одредена мускулна група.
Од друга страна, можете да направите и поголеми промени и да впишете аеробик или да ја смените тековната програма обидувајќи се со нешто ново.
За почетници не советуваме прекумерна да се оптеретат со тренинг, ако ви досадило вежбање на уреди а немате доволно енергија да уз тоа посетувате и часови по аеробик, обидете се еден месец да се посветите само на аеробик и постепено додадете вежбање на уреди.
Истражувањата покажаа дека вашето тело се прилагодува на одредена вежба по две до три недели.
По овој период, вежбите лесно ќе престанат да даваат напредок ако нешто не промените.
3. Правилно распоредете го тренингот
За да од вежбањето направите ритуал обидете се да избегнете два или повеќе дена одмор по ред.
Луѓето кои вежбаат еднаш или два пати неделно имаат многу поголеми шанси да се откажат од тренинг од оние кои вежбаат три или повеќе пати неделно.
Причината е дека конзистентноста влијае на посветеност на тренингот повеќе од обемот и содржината на тренингот.
Ви препорачуваме да тренирате три до пет пати неделно, особено луѓето кои го поминале почетничкиот период на адаптација на тренинг.
Ако сте во можност да вежбате само три пати неделно, обидете се рамномерно тоа да го распоредите во текот на неделата.
4. Поставете си цел
Треба да знаеме зошто вежбаме и што сакаме да постигнеме со вежбањето, тоа е исклучително важно.
Вежбачите кои доаѓаат во фитнес-центар со цел за “умерена рекреација” на прашање на инструкторот за нивната цел обично одговораат “Слушај, мене не ме интересира ништо посебно, јас само сакам да симнам килажа и да го зајакнам овој или оној дел од телото.”
Тие воопшто не знаат дека тоа е многу важно и не е лесна цел. Немој веднаш да се плашите, тоа не е невозможно, поради тоа и постојат фитнес центри.
Значи она што изгледа како обезглавена рекреација сепак има своја цел. Никако немојте да се стремите премногу високо, барем не за кратко време. Поставете си помали, полесно остварливи цели.
Решавањето на проблемите еден по еден, ќе ви овозможат да уживате во плодовите на вашиот труд и дополнително ве мотивира.
Луѓето кои си поставиле големи цели често на пат до нив горат и некогаш не ги достигнуваат.
Реалноста е многу важен фактор за она што вашата цел е.
5. Следете го вашиот напредок
Еден од едноставни начини за дополнителна мотивација е следење на тренингот во форма на дневник.
Кратки белешки во минијатурни форми може со тек на време да делуваат крајно мотивирачки.
Освен што на нив можете да видите какви било недостатоци во тренингот, ќе ви послужат како убав спомен од првите чекори.
Податоците што сугерираме да ги следите се: вежбите што сте ги правеле, интензитет, оптеретувањето, бројот на сетови и повторувања, за кардио активностите важно е растојанието, потрошените калории и тежината со која сте работеле (брзината со која сте возеле велосипед).
Корисно е да го забележувате и вашето расположение пред и за време на тренинг, бидејќи тоа може да ви ја покаже причината поради која сте го направиле тренингот фантастичен или едвај сте го преживеале.