Основни грешки кои треба да ги избегнете кога вежбате
Несоодветна облека, лоша исхрана, претерување во вежбањето… Ова се некои од грешките кои ги правиме во текот на фитнес вежбањето.
Се повеќе и повеќе луѓе кои ги посетуваат фитнес центрите за да се одржат во форма, да ги зацврстат мускулите и телото или да се ослободат од стресот, по напорниот ден и да го намалат стресот.
Фитнес центрите нудат цела палета на опрема за вежбање и широк спектар на курсеви и програми.
Без оглед на причината и мотивите за вежбање, важно е да не се прават грешки кои сериозно ќе може да влијае на здравјето на луѓето.
Внимателно одберете ја облеката за вежбање
Не одите на вечерно излегување, но сепак треба внимателно да ја изберете облеката за вежбање. Тоа е важно за да се движите максимално слободно и да избегнете инфекција.
Одбери маици и панталони или хеланки, кои ќе ви овозможат лесно движење.
Ако движењата ви се ограничени, тогаш тешко ќе можете правилно да вежбате. Поради тоа се препорачува да се носи нешто што не е премногу широко, но не и да ве стега.
Затоа најубаво е да си купите од специјалните спортски маици, хеланки, шорцеви, во посебните спортски продавници наменети за спортска и фитнес опрема.
Градник за жените
Жените треба да носат посебен градник за фитнес, кој ќе ги спречи повредите на градите, на пример, за време на кардио вежби како вежба на степер.
Се препорачува облека изработена од памук, која дозволува испарување на потта и спречува можна иритација на кожата.
Пешкир
Во речиси сите фитнес центри задолжителна е употребата на пешкири кои што се постелуваат пред вежбање на подот или некој уред. Со тоа се спречува габична инфекција.
Обично во реномираните фитнес центри на рецепција има чисти пешкири кои ви ги даваат пред секој тренинг, но вие можете да си носите и ваш пешкир.
Патики и папучи
Не заборавајте на патиките или папучите кои ќе ги носите во сала или во бањата по физичка активност да бидат чисти. Тоа штити од габични инфекции кои лесно се шират во влажни и топли простории.
Ова не значи дека салата е валкана и не се води грижа за хигиената, но ако еден од вежбачите има габична болест или брадавици, а друго лице се наслони со гола или влажна кожа на истото место, многу малку е потребно за да се пренесе инфекцијата.
Во модерните фитнес центри обично во соблекувалните има чисти и дезинфицирани папучи за во туш кабините кои вие треба по употребата да ги оставите кај искористена опрема.
Додека вашите патики кои ги користите за вежбање не е препорачливо и приватно да ги носите.
Не заобиколувајте го инструкторот !
Инструкторот по фитнес е важна личност. При регистрација нему ќе му објасните:
1. Каков е вашиот начин на живот (дали сте подвижни или воглавно седите)
2. Што сакате да постигнете со вежбањето во салата (да ги зацврстите мускулите, да ја намалите телесната тежина, зголемување на мускулната маса)
3. Каков вид на вежбање поради здраствени причини не треба да вежбате.
Инструкторот сето ова ќе го внесе во вашите лични податоци во картонот од програмата за вежбање која е прилагодена за вас.
Прв ќе ви покаже како се вежба секоја вежба и ќе внимава правилно да ја изведете.
По еден месец или два треба да побарате од инструкторот да ги прилагоди вежбите, на пример ако сакате да го засилите интензитетот на вежбање за одредени групи на мускули или да ви го намали бројот на напорни вежби.
Со цел да го зачувате здравјето, особено за да се заштитите од повреди на мускулите, ‘рбетот и зглобовите, немој да вежбате на своја рака. Може да изберете погрешни вежби или погрешно да ги вежбате и да се повредите.
Дишење
Дишењето за време на вежбањето е особено важно. Често луѓето дишат само преку нос и не земаат воздух за време на вежбањето мислејќи дека така подолго ќе го издржат напорот.
Но на овој начин целото тело, вклучувајќи ги и мускулите, не го добиваат кислородот што име потребен. Ова создава тешкотии, особено кога станува збор за мускулите.
1. Вдишување – Издишување
Правилно дишење за време на вежбање:
2. Вдишувајте за време на вежбањето, кога напорот е најмал.
3. Издишете воздух во моментот на најголемиот напор.
Со ваквиот начин на дишење мускули ќе бидат оптимално снабдени со кислород и ќевежбате со минимален напор.
Не прескокнувајте го загревањето
Никогаш не треба да почне да вежбате без загревање. Мускулот е студен и за да правилно реагира мора соодветно да се подготви и постепено да му се зголеми интензитетот на напор.
Подготвениот мускул е флексибилен и лесно ќе поднесе напор.
Напротив, неподготвениот мускул може да се повреди или истегне, доколку не е загреан пред тренингот.
Пијте вода !
Пијте вода !! … Никогаш не треба да заборавите да понесете шише со вода или течности кои содржат минерали кои што телото ги губи со потење (особено на кардио вежбите). За време на вежбањето треба да се пие еден литар до литар и пол вода.
Каква вода?
Водата треба да биде природна, не-газирана (бидејќи поттикнува надуеност). Ако пиете специјални “фитнес” пијалаци, одлучете се за оние кои содржат витамин Ц.
Тој е антиоксиданс, што значи дека ги коригира оштетувањата на клетките кои ги нанесуваат слободните радикали.
Напор под контрола
За време на вежбање, телото има зголемена потреба за енергија. Ако телото е под преголем напор, тоа ќе се создаде премногу слободни радикали, кои се одговорни за стареењето на клетките.
Не зборувајте додека вежбате!
Додека вежбате, потребана ви е концентрација. Затоа треба да се фокусирате на вежбањето а не да трошите време и енергија на зборување со другите вежбачи.
Ако се зазборувате ќе се деконцентрирате и нема правилно да ги изведувате вежбите, и тоа не само вие туку и личноста со која зборувате.
Така може да предизвикате повреди на зглобовите, ‘рбетот и мускулите. Особено важна е концентрацијата кај вежбање со тегови, бидејќи може да се повредите.
Вежбате со полн или со празен стомак?
Познато е дека не треба да вежбате веднаш после јадење, но важно е и стомакот да не е празен.
Најдобро е да се јаде овошје ако вежбате во време на ручек или доцна попладне, а ручекот или вечерата да ги изедете после вежбање.
Бананата или праската се доволно хранливи и ви ја даваат потребната енергија.
Ако после вежбањето почувствувате недостаток на енергија и потребата за “инјекција за сила” може да се напиете витамински пијалок или да изедете банана за време на тренингот.
Не вежбајте кога ве боли нешто
Ако дојде до истегнување или болка во мускулите, не треба да ги форсирате! мускулот тогаш има потреба само за одмор.
Исфрлете ги маснотиите!
Никогаш немојте сосем да ги исфрлите маснотиите од исхраната.
Балансираната исхрана вклучува јаглехидрати, протеини и масти во сооднос 40:30:30.
Маснотии, по можност од растително потекло или оние од рибата, треба да влезат во правилен сооднос во телото за да го обезбедат со снабдување со енергија и да му овозможат апсорпција на важни витамини.
Истегнување? Секогаш!
Истегнување на мускулите (stretching) треба да се врши :
1. Кога се загревате
2. Во тек на вежбањето, за да се постигне добра еластичност на мускулите
3. На крајот на вежбањето, поради релаксирање.
Истегнувањето е важно да се добие добра мускулна подвижност.
На пример, нормално е дека во текот на тренинг со тегови, мускулното ткиво да се згрчи, но благодарение на истегнувањето, мускулот останува истегнат и обезбеден со кислород. Со ова се спречуваат повреди.