Ревматоиден артритис: кога и како да вежбате?

Во оваа статија ќе се занимаваме со вежби кои можат да помогнат во намалување на симптомите и да го забават напредувањето на ревматоидниот артритис.

Ревматоидниот артритис се јавува постепено и полека се развива до првите вистински знаци на болеста. Според тоа, потребно е да се прилагоди и физичката активност.

Дозволеное лесно до умерено вежбање во согласност со моменталната состојба на болеста.

Ако се појави силна болка или дополнителен оток на зглобовите, потребно е веднаш да запрете со вежбање.

Физичка активност при појава на болеста

Ревматоидниот артритис се случува постепено, со благ замор, треска, губење на апетитот и други неспецифични знаци.

После овие првични симптоми се јавува привремена вкочанетост и отекување на зглобовите што потоа преминува во трајна и хронична состојба.

Кај вежбањето морално е да се придржувате кон некои препораки:

• вежбањето е дозволено само кога знаците на болеста се умерени,

• при појава на знаци на воспаление и вкочанетост одморот е задолжителен,

• Секој ден треба да се одмарате 1-2 часа,

• може да се вежба 15 – 20 минути дневно,

• се препорачуваат статични / изометрички вежби за сила,

• пасивно истегнување извршено од друго лице 4 – 5 пати на ден, и

• прекумерно вежбањена воспалениот зглоб ќе ја влоши состојбата.

Изометрички вежби се вежби во кои не постои движење на зглобовите. Ова се однесува особено на зглобовите погодени од воспаление.

На пример, ако сакате да се избегне поместување на лактот, а сакате да ги одржувате мускулите на рацете и рамената, може да се применува следнава вежба.

Извршете ги овие вежби така што последната положба ја задржувате 15 секунди.

Која физичка активност да ја изберете?

Треба да се применат три вида на вежби:

1.Вежби за флексибилност

2. Вежби за Сила

3. Кардио вежби

Вежби за флексибилност и вежби за зголемување на опсегот на движење

Овие вежби се неопходни за спречување на скратување на мускулите што често се јавува во состојби како ревматоиден артритис.

Истегнете се полека и нежно, обидувајќи се постепено да го зголемувате опсегот на движење.

• Вежбите за флексибилност правете ги секој ден по два пати, истегнувајќи го секој мускул или што повеќе од нив.

• 3-10 пати правете го целосниот опсег на движење, во зависност од вашата моменталната ситуација.

На сликите е прикажан пример на вежби за флексибилност на зглобот.

Поместување на раката горе – долу.

Поместување на раката лево – десно.

Вежби за сила односно цврстина

Често кај луѓето со ревматоиден артритис се јавува страв од повреди и затоа не вежбаат.

Невежбањето ќе резултира со слаби мускули со што уште повеќе ќе се уништат зглобовите (како резултат на зголемено оптеретување) и ќе станат се поболни.

Вежбите за сила може да бидат:

1. Статички или изометрички во кои зглобот за време на мускулната контракција не се движи.

Со рацете се дава отпор така да се почувствува контракција во мускулите на предната страна на натколеницата и мускулите на стомакот.

2. Динамички или изотонички во кои зглобот се движи со константен или променлив отпор.

Овие вежби никогаш не треба да се изведуваат на воспалени зглобови, бидејќи може веќе постоечката ситуација да ја влошат.

3. Изокинетички во кои зглобот се движи со постојана брзина и променлив отпор.

Секогаш почнувате постепено, додавајќи го бројот на повторувања. Препорачливо е обично 10 до 12 повторувања за секоја вежба или издржливост 10-15 секунди.

Бирај те позиции кои најмалку ќе ги оптеретат зглобовите:

• Лежејќи на грб или стомак

• Четириножна положба

• Седечка или стоечка положба

Клекната позиција или отпор избегнувај те или применувајте ги минимално.

Кардио вежби

Кардио вежбите се добри, бидејќи го спречуваат зголемувањето на телесната тежина до која лесно може да дојде кај луѓе со ревматолошки заболувања поради редукција и неможноста да се движат.

Кардио вежбите опфаќаат големи мускулни групи и со тоа трошат повеќе калории и го забрзуваат метаболизмот.

Пред да започнете со активност потребно е да направите вежби за зголемување на опсегот на движењето и вежби за истегнување за да се подготви телото за физичка активност.

За лицата со ревматоиден артритис се препорачуваат физички активности како што се:

• Одење

• Возење точак

• Пливање

Наведени и активности може да се практикува секојдневно 20-30 минути, 2-3 пати неделно.

Како да знаете дека сте претерале?

• Зглобовите болат 2 часа после вежбање и / или наредниот ден

• Чуствувате дополнителен одмор

• Имате помал опсег на движење од пред вежбањето

• Отокот окулу зглобот се зголемува

• Ви се јавува константна болка по вежбањето

Кај вежбањето е важно да се прилагодите на состојбата на болеста.

Ако ситуацијата се влоши, не треба да запрете со вежбањето само изоставајте ги напорните вежби и применувајте вежби во кои не доаѓа до движење на болните зглобови.

Често луѓето прават грешки и по враќањето во релативно нормална состојба започнуваат со вежби со ист интензитет како претходно со што може да ја влошат својата состојба.

За жал, не може да почнете таму каде што застанавте туку треба постепено да се враќате во првобитната состојба.