Режим на исхрана за стомачните мускули
Сонот на секој човек е да има убаво издефенирани стомачни мускули без сало.
Но за да се постигне тоа покрај многу вежбање треба да се корегира и исхраната.
Исхраната треба да биде правилна за да во комбинација со квалитетни вежби даде прави резултати.
Оваа комбинација е клучот за успехот.
Оброците треба да бидат редовни, што значи дека не постои прескокнување оброци и мора да бидат правилно распределени.
Се препорачуваат 5-6 во тек на денот.
Тоа се помали и поголеми оброци. Во помали оброци спаѓа ужината која се состои од овошје или зеленчук а во големи оброци спаѓа главниот оброк а тоа е доручек, ручек или вечера.
Со таа комбинација од помали и поголеми оброци ќе се постигне добар резултат, бидејќи тоа ќе го зголеми вашиот метаболизам и со тоа ќе се согоруваат калории.
Ова исто така ќе го растерети вашето тело и ќе го олесни варењето на храната.
Значи два часа пред ручек и два часа пред вечера изедедете мал оброк, а можете и два часа по вечерата, ако тоа е лесна храна која нема да го оптерети стомакот пред спиење.
Ако земете обилен доручек, ручек и вечера, ќе внесете голем број на непотребни јаглехидрати и масти кои ќе се таложат и ќе создадат сало.
Така стомакот би ви изгледал надуен.
За појадок може да се јадете на пример мусли со млекo.
Тоа е многу лесна храна која содржи јаглехидрати и не се претвора веднаш во шеќер, па затоа е препорачлива.
За ужина може да јадете парче овошје или сендвич со зеленчук, бидејќи тоа не е тешко да се свари.
Месо и риба се одличен избор за ручек.
Но, месото треба да се пржи во маслиново масло, а не со обично масло, затоа што маслиновото е многу поздраво.
За вечера може да јадете салата со зеленчук бидејќи таа е лесна храна. Треба да пиете што повеќе течности, особено додека тренирате, бидејќи тогаш многу се трошат.
Ова е важно за да се избегне дехидрација на телото. Исто така се препорачува и зелениот чај за кој е докажано дека влијае врз согорување на маснотиите.
Можете да земете банана за ужина или за појадок, бидејќи таа е многу хранлива.
Овошје во лушпа, како што се ореви, бадеми и лешници се исто така многу добри за стомачните мускули.
Не треба да заборавиме на јогуртот и млекото кои треба да бидат вклучени во вашето дневно мени, бидејќи тие се многу богати со протеини, кои се од суштинско значење кога тренирате.
Тренинзите можат да бидат многу напорни и ви треба многу енергија, при што во голема мерка може да придонесе за потреба на внесување протеини.
Исто така, имајте на ум дека кога ќе избирете млеко и јогурт обрнете внимание да се изберат тие со низок процент на масти. Исто така се препорачува немасно сирење.
Изборот секако зависи од вас и ако се практикува да се земе сè како што е наведено и имате добар тренинг, ќе бидете во можност да се пофалите со убави стомачни мускули.