Тренинг за стомачните мускули

Обликувањето на стомачните мускули за многумина претставува најтешкиот предизвик, но со соодветна исхрана и со вежбање на стомачните мускули нема да биде проблем.

Без разлика на тоа колку ќе вежбате на оваа мускулна група, ако не обрнете внимание на исхраната многу мали се шансите за успех.

Нешто повеќе за правилна исхрана, рецепти и диети може да пронајдете во секцијата за Исхрана/Диети, а овде ќе се посветиме како да изградите совршени стомачни мускули.

Златна формула за стомачни мускули
Исхрана + Вежби за стомак + Кардио вежби = Стомачни мускули од соништата

Што се однесува до тренингот за стомачни тој мора да содржи кардио тренинг (трчање, скокање, возење на велосипед, кардио) и вежби за стомакот (разни варијации на стомачни вежби).

Дали ќе правите илјадници стомачни или само неколку десетина, и дали на кардио вежбите ќе посветите еден час или само неколку минути зависи од вас, вашата подготвеност и посветеност, но постојат неколку правила што е важно да ги почитувате за резултатите да не заостануваат.

1. Прво на стомачните мускули треба да ги вежбате наизменично преку еден ден. (Ако сте во брзање и сакате да добиете резултати што е можно поскоро, еден ден треба да работите на горните и долните стомачни мускули, а друг ден на страничните.)

2. Исхраната пред и после тренингот е најважна (пред тренингот треба да му обезбедите на телото доволно снага , а по тренингот доволно протеини за изградите на мускули.)

3. Кардио вежбите се задолжителни. (Иако може ве мрази да трчкате и да ги правите овие вежбички, ако сакате да го отстраните салото од стомакот и да ги обликувате на стомачните мускулите, кардио тренингот не треба да го изоставите.)

4. Стомачните мускули не треба да прекинете да ги вежбате кога ќе почне да боли. (Стомачните мускули се многу издржливи и кога ќе чувствувате болка треба да се продолжи да се вежба бидејќи тогаш вежбата има најсилен ефект. Се разбира, кога болката станува премногу силна направете пауза за да не дојде до повреда.)

5. Кога ќе правите стомачни, обавезно направите и некоја серија на грбни вежби. (Доколку тоа не го сторите може да дојде до искривување на ‘рбетот, затоа треба да направите и неколку серии на вежби за грб.)

6. Менувајте и комбинирајте (Која било мускулна група да ја работите, особено стомакот, многу е важно да работите што поразлични тренинзи, ако правите исти вежби за мускулите со месеци ќе ги навикнете на нив и тие повеќе нема да бидат ефикасни.)
Самиот тренинг за стомачни мускули не треба да трае долго, но повторно се разбира сето тоа зависи од вас.

Најдобриот тренинг за стомак:

1. 30-60 Минути трчање. Започнете полека, а потоа зголемувајте го на темпото и последните минути поминете ги во спринт.

2. Направете 5-10 спринтерски по 100 метри.

3. Направете 4 серии стандардни стомачни вежби (до крај). Бројот на повторувања зависи од вас и треба да биде помеѓу 20 и 100.

4. Направете 4 серии на горните стомачни мускули. Подигнете ги нозете во воздух и вежбата ја изведувате со кревање на главата. Задржете се неколку секунди горе и повторете. Направете 4 серии по 20-100 во зависност од вашата спремност.

5. Сега направете долни стомачни. Фатете се со рацете на нешто и подигајте ги вашите нозе горе – долу (не треба да се допирате со нозете на подот, но сепак треба да се доближувате со нозете што поблизу до него). Направете 4 серии по15 до 100 повторувања.

На овој начин ќе направите голем број на вежби за стомачните мускули, дефинитивно ќе почувствувате позитивен ефект и болка.

Тренингот не е тежок,а ги опфаќа сите мускулни стомачни групи:

-Кардио вежби (за отстранување на масни наслаги, со цел да се обликуваат стомачни мускули)
-централни стомачни мускули
-горни стомачни мускули
-долни стомачни мускули

По ваков тренинг, следниот ден ќе може да го направите истото само со вежби за странични стомачни мускули.

Треба да направите еден ден пауза помеѓу вежбите и да ги повторите овие серии со мали варијации. Бидете креативни за да постигнете успехот.

По завршувањето на тренингот би била добра идеја да отидете на пилешки стек. 🙂