ХРАНА ЗА ЗАКРЕПНУВАЊЕ ПОСЛЕ ТРЕНИНГ

Секој тренинг е шок за телото. За телото и мускулите адекватно да одговорат на овој тип на стрес, потребно е да се задоволат потребите за исхрана. Закрепнувањето е важна ставка што не треба да се занемари. Во зависност од интензитетот на тренинзите, мора да внимаваме на исхраната која целосно ќе ја „одработи“ работата. Во следните редови прочитајте кои се намирниците кои адекватно ни помагаат во процесот на закрепнување.

Јајца – Јајцата се богати со протеини, а сите знаеме дека протеините се многу важни за градење мускули. Затоа слободно јадете јајца после тренинг. Тоа ќе ве направи силни и издржливи.

Кефир – Кефирот е одличен пијалок после тренинг. Една шолја кефир содржи 11-15 грама протеини, што е одлично за вашите мускули.Исто така, кефирот е одличен за варење и за здравјето на органите за варење.

Лосос – Омега 3 киселините и протеините ќе бидат достапни во големи количини доколку јадете месо од лосос. Лососот позитивно влијае на синтезата на протеините и на тој начин влијае на градењето на мускулите.

Боровинки – Боровинките се одличен оксиданс и благодарение на нив вашето тело ќе се „прочисти“ на вистински начин. Ова овошје е полно со витамини и го забрзува закрепнувањето на телото и организмот после тренинг.

Ананас – Ананасот содржи ензим бромелаин, кој помага во лекувањето на модринки, исчашувања и отоци. Ананасот содржи и високо ниво на витамин Ц, клучна компонента за регенерација на ткивата. Одлично е за сите кои се занимаваат со боречки вештини.

Компири – Компирите содржат јаглехидрати кои можеби нема да ги хранат вашите мускули толку многу колку што ќе ви дадат енергија и сила. Исто така, компирот содржи витамини Б6, Ц, Д и магнезиум и калиум, кои се одлични за регенерација на вашето тело.

Конечно, мора да ја споменеме водата. Водата е неизбежна супстанца која секогаш мора да се консумира, особено ако активно тренирате. Дехидрацијата на организмот е многу опасна и затоа мора секогаш да внесувате доволно вода во организмот. За време на тренингот потребно е редовно да се обновува течноста, затоа обидете се да пиете 2-3 часа вода.