Храна која содржи речиси исто толку протеини како месото

Нема сомнеж дека месото обезбедува протеини, но храната како грав, јајца, јаткасти плодови, јогурт, па дури и брокула се само дел од намирниците кои се богати со овој макронутриент.

Протеините нè прават сити, помагаат во изградбата на мускулите, а студиите покажаа дека тие исто така можат да го стимулираат метаболизмот и да помогнат во губењето килограми.

– Јаткасти плодови и семки – од четири до 10 грама по оброк – ореви, индиски ореви, семки од тиква, ф’стаци, семки од сончоглед, путер од бадем, коноп, чиа и семки од лен.

– Грав и мешунки – од седум до 10 грама по оброк – црн грав, бел грав, леќа, наут и грашок.

– Соја – од девет до 16 грама по оброк – тофу

– Овошје и зеленчук – авокадо – четири грама по чаша, темно лиснат зеленчук – околу пет грама по чаша и брокула – четири грама по чаша.

– Млечни производи – млеко, јогурт, сирење во кои може да се додадат јајца, шест до девет грама протеини по оброк.

Изненадува фактот дека суровото какао обезбедува четири грама протеини, плус антиоксиданси, витамини и минерали, по оброк.

Според Институтот за медицина, секој треба да консумира помеѓу 10 и 35 проценти од дневните калории од протеини. Тоа навистина може лесно да се постигне со горенаведените намирници, без месо.

Различни потреби за различни возрасти

Бебињата треба да консумираат околу 10 грама протеини дневно, а децата на училишна возраст од 19 до 34 грама дневно.

На тинејџерите им требаат околу 52 грама дневно.

Возрасните мажи треба да консумираат 56 грама протеини дневно, а жените околу 46 грама дневно, а доколку се бремени или дојат, тогаш повеќе од тоа.