4 ВЕЖБИ ЗА УБАВО ОБЛИКУВАНИ РАМЕНА

НЕ ГИ ЗАНЕМАРУВАЈТЕ РАМЕНАТА. ТИЕ СЕ ОД СУШТИНСКО ЗНАЧЕЊЕ ЗА ВИЗУЕЛЕН ВПЕЧАТОК И ПОТЕСЕН СТРУК И КАЈ ДЕВОЈКИТЕ И КАЈ МОМЦИТЕ. 🙂

ТРЕНИНГ ЗА РАМЕНА

Ширината на рамената не е само добредојдена кај мажите туку и кај жените.

Девојките со ширина на рамената добиваат илузијата за потесен струк, односно телото го добива саканиот облик на песочен часовник.

Рамениците се делумно слабо заштитени делови на телото, бидејќи сферичната форма на рамениот зглоб е многу лесно да се повреди или да го преоптоварите со изведување на неефикасни вежби.

На многу девојки кога прв пат ќе започнат со фитнес тренинг, вежбите за рамена, често ги игнорираат, бидејќи им се досадни и премногу машки.

Мислев дека мене како на девојка не ми требаат широки и развиени раменици, но кога видов како секој ден ми добиваат облик и поинаков изглед, ми се допадна.

Рамената ми напредуваа и тоа чувство кога ќе видам како моите вени избиваат на површината на кожата, по добро одработен тренинг е незаменлив, вели една фитнес инструкторка.

Пред да започнете со вежби, рамената се разбира, треба добро да ги загреете и раздвижите…

1. СТРАНИЧНО ЛЕТАЊЕ СО ТЕГОВИ (LATERAL RAISES)

Ова е една од најдобрите вежби за рамена.Пред самиот тренинг со оваа вежба одлично ќе ги загреете и раздвижите рамената.

Доколку при правење на оваа вежба буквално рамената ве печат тогаш технички добро ја изведувате оваа вежба.

Може да се изведува седечки или стоечки. Се изведува со брзо или поспоро движење на рацете од колковите до висина на рамената.

2. АРОНАЛДОВ ПОТИСОК (ARNOLD PRESS)

Вежбата се прави седејќи на работ од клупата а теговите се во висина на рамото со дланките свртени кон нас додека лактите се пониски од дланките.

Теговите ги кревате полека ротирајќи го зглобот кон надвор. Во завршната позиција дланките треба да бидат свртени кон надвор.

По обратен пат теговите ги враќаме во првобитната позиција.

Вежбата ја измислил познатиот Арнолд Шварценегер и рече дека ова е најефективната вежба за рамена од сите што досега ги практикувал.

3. СЕДЕЧКИ ВОЈНИЧКИ ПОТИСОК (MILITARY PRESS)

Оваа вежба може да се прави со тегови или шипка. Вежбата е многу ефикасна и не е комплицирана што се однесува до техниката на изведување.

Никогаш не претерувајте со тежина при изведување на оваа вежба што се однесува до девојките бидејќи веднаш ќе почувствувате печење во рамото.

Поважна е квалитетна формата отколку погрешно да ја правите со голема тежина.

4. ПРЕДНО КРЕВАЊЕ ТЕГОВИ (FRONT RAISES)

Директно го погаѓа предниот дел на рамото и лесна е за правење. Се прави со двете раце истовремено и наизменично.

Теговите се креваат до нивото на очите, задржете неколку секунди и ги враќате во стартната позиција.

Кога ќе почувствувате топлината и лесно пецкање во рамената престанете соизвршување.

КОЛКУ ТРЕНИНЗИ ТРЕБА ЗА ДА СЕ ВИДИ РАЗЛИКА ВО РАМЕНАТА?

Се разбира, постојат многу вежби за рамената и на секој некоја му одговара повеќе, некоја помалку.

Овие кои ги наведовме најчесто делуваат на растот на рамената.

За 4 месеци интензивен тренинг рамената ќе ви добијат видлив облик ако правилно ги изведувате овие вежби и секако ако внимавате на исхраната и суплементите.

БРОЈ НА ПОВТОРУВАЊА

Зборуваме за девојките: Треба да користите умерени тежини и да правите 12 повторувања. Последните две треба да ви бидат најтешки.

Ваков пристап ќе ви овозможи добар pump кој ќе ви поттикне силен раст на рамената.