5 Јога вежби за баланс и благосостојба

Вежбите за баланс помагаат во развојот на концентрацијата, рамнотежата и свеста.

Нивното редовни практикување, ја зголемува подвижноста на телото и умешноста , го намалува ризикот од повреди и паѓање во секојдневните активности.

Дрво, орел, воин III, полумесечина и танчер претставуваат јога вежби за баланс кои ќе ви ја подобрат рамнотежата, ќе ви го зајакнат и истегна телото и ќе ве направат многу порелаксирани.

Правете ги одделно или поединечно вклопете ги во редовниот тренинг.

Секоја од јога вежбите започнува од позиција Планина – Tadasana, што е основа за сите стоечки јога позиции.

Во оваа исправена положба со нозете во ширина на колковите (палците се поблиску, а петите малку подалеку) и рацете потпирени на бутови, телесната тежина паѓа на сите четири точки на стапалото.

Издолжете го целото тело од стапалата до врвот на главата и замислете дека низ профилот ви поминува вертикална линија од глуждот, коленото, колкот, рамото до ушната школка.

Како и во вежби кои следат, балансот на целото тело на една нога, наведени се полесно варијанти и приспособувања за секој поединец.

Секоја позиција задржете ја најмалку пет свесни вдишувања и издишувања низ носот и ова дишење го правите од двете страни на телото.

Дрво (Vrksasana)

Во исправената стоечка позиција Планини, целата тежина на телото се потпира на стапалото.

Префрлете ја тежината на левата нога и подигнете го стапалото на десната нога, која е свиткана во коленото и колкот и со десното стапало се потпирате во внатрешноста на левата бутина.

Цврсто притиснете го стапалото во внатрешниот дел од бутот за да се избегне лизнање надоле.

За балансирање на позицијата дрво, издолжете го вашиот ‘рбет, подигнете ги рацете над главата и споите ги дланките.

Прилагодувања:

Вежбата обидете се да ја направите потпрени на ѕид или легнати на подлога, додека не развиете биланс за конечната стоечка верзија.

Придобивки:

• Ја развива свеста, концентрацијата и рамнотежата

• Ревитализација на ‘рбетот и на целото тело и ум

• Ја зајакнува целата нога, глуждот и стапалото

• Ја зголемува флексибилноста на бутовите и колковите

Орел (Garudasana)

Од положбата планина, свиткајте ги двете колена и прекрстете ја десната натколеница преку левата, па замотајте го десното стапало зад левата нога.

Внимавајте горната нога да не ви го турне долното колено премногу напред или кон десно – долната ногата треба да остане цврста и паралелна.

Потоа ставете ги двете раце пред вас и замотајте ја левата рака околу десната, така што левиот лакт да биде прекрстен над десната надлактица.

Вкрстете ги подлактиците, споите ги дланките и подигнете ги лактите во висина на рамената.

Прилагодувања:

Ако ви е тешко двојно да ги Обвиткате нозете или рацете, за почеток само прекрстете ги бутовите без да го омотате стапалото окулу потколеницата или само прекрстете ја надлактицата без поврзување на подлактицата и дланката.

Можете да ја пробате вежбата лежејќи на грб или потпирајќи се со грбот на ѕидот, додека не развиете рамнотежа и флексибилност на телото.

Придобивки:

• Ја развива свеста, концентрацијата и рамнотежата

• Ги протега и зајакнува зглобовите на нозете и колковите

• Ги протега зглобовите и рамената

• Ја релаксира напнатоста во лопатките и долниот дел на грбот

• Ги зајакнува нозете

Воин III (Virabhadrasana III)

Од положбата планини, исчекорете длабоко со левата нога кон задниот дел – задниот дел на ногата се протега а десното колено е под прав агол, во линија со стапалото.

Спуштете го торзото кон десната бутина и наслонете ги дланките на десното колено.

Цврсто притиснете го коленото со дланките, нежно подигнете го торзото и завртете го малку надесно.

Испружете ги двете раце пред вас паралелно со подот и испреплетете ги дланките покажувајќи со показалецот нагоре.

Префрлете ја тежината на телото на предното стапало и потиснете го цврсто како подлога.

Потоа, синхронизираноиспружете го предното коленото и подигнете ја задната нозга паралелно со подот, така што целото тело да биде во долга и паралелна линија од главата до стапалата.

Прилагодувања:

Додека не развиете баланс, направете ја воин III вежбата потпирајќи се со дланките на столот, но обидете се што полесно да се придржувате и одржувајте рамнотежа низ средината на телото.

Придобивки:

• Ги зајакнува зглобовите и нозете

• Го зајакнува стомакот

• Ги зајакнува рамената и мускулите на грбот

• Го подобрува балансот и држењето

• Го унапредува помнењето и концетрацијата

Полумесечина (Ardha Chandrasdana)

Од положбата планина, пренесете ја тежина на левата нога, отворете го стапалото нанадвор, свиткајте го коленото и полека почнете да се движите со телото кон лево.

Потпрете ја левата дланка на подот триесетина сантиметри пред стапалото во линија што одговара на рамената.

Потиснете ја левата рака и стапалото цврсто на површината и испружете го левото колено, кревајќи ја десната нога паралелно со подот.

Кренете ја ногата во воздухот активно, а петата бда остане стабилна.

Ротирајте го горниот дел од трупот на десно, но задржете го десниот колк малку напред.

Покушајте да ја испружите горната рака во продолжение на горното рамо кон таванот.

Главата е во неутрална положба со поглед напред.

Прилагодувања:

Вежбата можете да ја пробате потпрени на ѕидот, додека не развиете сила и рамнотежа.

Идеално е вежба да ја направите со премин од претходната балансна положба воин III или положбата триаголник.

Придобивки:

• Ги зајакнува стомакот, нозете, бутовите, задникот и ‘рбетот

• Ги истегнува препоните, грбната ложа, листовите, рамената, градите и ‘рбетот

• Ја подобрува координацијата и чувство за рамнотежа

• Го намалува стресот

• Го подобрува варењето на храната

Танчер (Natarajasana)

Од положбата планина, префрлете ја тежина на левото стапало, свиткајте го десното колено, подигнете ја ногата од петата и фатете го стапалото од надворешната страна со истата дланка.

Подигнете го десното стапало горе кон таванот и назад на торзото. Протегнете го бутот зад себе и испружете ја лева рака паралелно со подот, напред пред торзото.

Прилагодувања:

Обидете се да се придржувате со слободната рака на ѕидот, додека не ви се подобри рамнотежата.

Придобивки:

• Ги истегнува рамениците и градите

• Ги истегнува бутот, препоните и стомакот

• Ги зајакнува нозете и глуждовите

• Ја подобрува рамнотежата

Издвојте си време за себе, со секојдневна пракса на јога вежбите кои ви ги објаснивме погоре, за да постигнете рамнотежа на телото и умот и да го намалите присуството на стресот во вашиот секојдневен живот.